கனடாவில் 2026 ஆம் ஆண்டிற்கான மக்கள் தொகை கணக்கெடுப்பு (Census) பணிகள் ஆரம்பமாகியுள்ளன.
வாடகைக்கு குடியிருப்போர் (Tenants) இது குறித்து அறிந்து கொள்ள வேண்டிய முக்கிய விபரங்கள் வெளியாகியுள்ளன.
மே 4 ஆம் திகதி முதல் தரவு சேகரிப்பு பணிகள் தொடங்கியுள்ளன.
பெரும்பாலான வீடுகளுக்கு இதற்கான படிவங்கள் ஏற்கனவே அனுப்பி வைக்கப்பட்டுள்ளன.
75 சதவீத வீடுகளுக்கு அடிப்படை தகவல்களைக் கோரும் சிறிய படிவங்களும் (Short form), 25 சதவீத வீடுகளுக்கு விரிவான சமூக-பொருளாதார தகவல்களைக் கோரும் நீண்ட படிவங்களும் (Long form) அனுப்பப்படும்.
வாடகைக்கு குடியிருப்போர் தங்கள் வீட்டிற்கென வரும் படிவத்தை தாங்களே பூர்த்தி செய்ய வேண்டும்.
ஒரு வீட்டில் பல பிரிவுகள் (உதாரணமாக: Basement, First floor) இருந்தால், ஒவ்வொரு பிரிவினரும் தனித்தனியாக படிவங்களை சமர்ப்பிக்க வேண்டும்.
மக்கள் தொகை கணக்கெடுப்பு தகவல்கள் மிகவும் இரகசியமானவை. உங்கள் வீட்டு உரிமையாளருக்கோ (Landlord) அல்லது குடிவரவு மற்றும் வரி திணைக்களங்களுக்கோ இந்த விபரங்கள் பகிரப்பட மாட்டாது.
கனடாவில் வசிக்கும் அனைவரும் இந்தக் கணக்கெடுப்பில் பங்கேற்பது சட்டப்படி கட்டாயமாகும்.
படிவத்தை பூர்த்தி செய்யத் தவறினால் அல்லது தவறான தகவல்களை வழங்கினால் 500 டொலர்கள் வரை அபராதம் விதிக்கப்படலாம்.
புள்ளிவிபரக் கனடா (Statistics Canada) மூலம் வழங்கப்படும் 16 இலக்க பாதுகாப்பு குறியீட்டைப் பயன்படுத்தி இணையதளம் வாயிலாக இத்தகவல்களை இலகுவாகப் பதிவேற்ற முடியும்.
