கனடாவின் Ontario மாகாணத்தைச் சேர்ந்த 60 வயதான Kenneth Law, தனக்கு எதிராக சுமத்தப்பட்டிருந்த 14 முதலாவது நிலை கொலைக் குற்றச்சாட்டுகளில் இருந்து விடுபடவுள்ளதாக தகவல்கள் வெளியாகியுள்ளன.
அதற்குப் பதிலாக, தற்கொலைக்கு உடந்தையாக இருந்ததாக (Aiding suicide) சுமத்தப்பட்ட 14 குற்றச்சாட்டுகளை அவர் இன்று நீதிமன்றத்தில் ஒப்புக்கொள்வார் என எதிர்பார்க்கப்படுகிறது.
இணையத்தளம் வாயிலாக ஆபத்தான இரசாயனப் பொருட்களை (Sodium nitrite) விற்பனை செய்து, சர்வதேச அளவில் பலரது தற்கொலைக்குக் காரணமாக இருந்ததாக இவர் மீது குற்றம் சுமத்தப்பட்டது.
Newmarket நகரில் கடந்த மாதம் இதற்கான வழக்கு விசாரணை தொடங்கவிருந்த நிலையில், அவரது சட்டத்தரணி Matthew Gourlay இந்தத் தகவலை உறுதிப்படுத்தியுள்ளார்.
உலகளவில் 40க்கும் மேற்பட்ட நாடுகளுக்கு சுமார் 1,200 பார்சல்களை இவர் அனுப்பியுள்ளதாக பொலிஸார் தரப்பில் தெரிவிக்கப்பட்டுள்ளது.
இவரால் பாதிக்கப்பட்ட United Kingdom (U.K.) நாட்டைச் சேர்ந்தவர்களின் குடும்பத்தினருக்கு அந்நாட்டு தேசிய குற்றவியல் முகமை (National Crime Agency) அனுப்பியுள்ள அறிவிப்பில், Kenneth Law கனேடிய நீதிமன்றத்தில் தண்டிக்கப்படுவதால் அவரை தங்களது நாட்டிற்கு நாடு கடத்தப் போவதில்லை எனக் குறிப்பிட்டுள்ளது.
