கனடாவின் பல மாகாணங்களிலும் அமெரிக்காவிலும் ஜேசன் வாஷிங்டன் (Jason Washington) என்ற நபர், நான்கு வெவ்வேறு பெண்களை ஒரே நேரத்தில் ஏமாற்றித் திருமணம் செய்துள்ள அதிர்ச்சித் தகவல் W5 புலனாய்வில் தெரியவந்துள்ளது.
2013 முதல் பத்து ஆண்டுகளில், விவாகரத்து பெறாமலேயே அடுத்தடுத்து நான்கு திருமணச் சான்றிதழ்களை இவர் பெற்றுள்ளார்.
இந்த நபர் தன்னை ஒரு முன்னாள் அமெரிக்கக் கடற்படை வீரர் (U.S. Marine) என்றும் தற்காப்புக் கலை வீரர் என்றும் அறிமுகப்படுத்தி, பெண்களைக் கவர்ந்துள்ளார்.
சாரா (Sara) மற்றும் எம்மா (Emma) ஆகிய கனடியப் பெண்கள், “Are we dating the same guy” என்ற சமூக வலைதளப் பக்கம் ஊடாகவே தங்களது கணவன் ஒருவரே என்பதை அறிந்துகொண்டனர்.
ஜேசன் வாஷிங்டன் வன்முறையில் ஈடுபட்டதுடன், குடிபோதையில் வாகனம் ஓட்டி ஒருவரின் உயிரிழப்புக்குக் காரணமானதற்காக அமெரிக்காவில் சிறைத்தண்டனையும் அனுபவித்துள்ளார்.
இது குறித்து ஜேசனிடம் கேட்டபோது, விவாகரத்துப் பத்திரங்களைச் சரிபார்ப்பது பெண்களின் கடமை என்று கூறித் தப்பிக்க முயன்றுள்ளார்.
தங்களுக்கு முன்னரே திருமணமான ஒருவருக்கு மீண்டும் திருமண உரிமம் வழங்கியது எப்படி எனப் பாதிக்கப்பட்ட பெண்கள் கேள்வி எழுப்பியுள்ளனர்.
இந்தச் சட்ட சிக்கலை பயன்படுத்தித் தங்களைப் போன்ற பெண்கள் ஏமாற்றப்படுவதை தடுக்க வேண்டும் என வலியுறுத்தியுள்ளனர்.
